4/10今日病左

今日病左  但都返學
令我想起 小學既時候
我有病都係照返學  果時仲係發燒添
真係三歲定八十
小時有病頂硬上  家陣都係
一個無病既人  點會做d甘既野呀
令日傷風傷到呀
係甘噴涕(流鼻涕既加強版XDD)
包左勁多雲吞出黎
都有成幾打嫁  攞出賣都得啦 哈哈

4/10

今日去左買耳筒 同一d電腦既野
之後撞到阿bill
本日無特別既野

3/10今日去接阿爺

今日晨早就去左尖沙咀到接阿爺
甘內無見阿爺  阿爺仲聲如洪鐘
佢個身體真係健康到呢  我都5及得佢
但有一樣衰
就係噪住我溫書
無論我係間屋邊到溫書  都聽到佢把聲
唉~~~~~~~!
今日又溫5到書啦  連續幾日都無溫過
@@
家陣個blog加左一d 代碼  有d防毒會有反應
但其實係無問題嫁><

1/10+2/10

1/10
晚上同d中學同學加左一條師弟 去左觀塘打邊爐
由6點幾  食到10點8到  好抵食 呀 100蚊都5使
正!!!
但間野d豬潤落得太多粉  去[淹]啦
搞到滾左幾滾 之後  起左勁多泡  哈 勁樣衰

d泡俾我整左杯Cappuccino
仲係上面寫左個娘字  原本係寫個 良
但見仲有位  就加多左 [女]字係左邊啦
良>>變左>>娘   (良哥變身  做左呀娘  XDD)
果晚喝左太多酒啦  好彩都未醉
條死仔 彭生係甘叫酒 又係甘[賭]俾我
喝黎喝去都係得返一大杯.......

 2/10
唉~~~琴晚 開心完
又係時間  溫下英文  但成日話溫話溫都  係無溫
見家中有本[如何活得心滿口意足](呢本野其實係講上帝既)
就係到睇左成個下午  令我諗到很多野
由於我之前讀書既關係
小學係佛教  中學係天主教  毅進係基督教 (我是否太強了吧  3大教也有touched)
我將3個教既野  重新諗左一d野
我為d左咩而生存呢   結婚?生仔?錢?快樂?
係佛教黎講: 目的係斷滅貪、嗔、痴   脫離生死輪迴  得永生
係天主/基督教就  全心全意侍奉神  信主/信耶穌基督的人罪得赦免，得到永生(上天堂)
我覺得 天主/基督教好似好正
你信佢(當然你去犯罪就另計啦)
佢就赦免你既罪  耶穌基督會幫你頂
呢個我覺得好moving  你諗下 如果你 犯罪  有條友話  無問題 你信我
萬大事我幫你頂
你會點呀? 
但佛教就係要  透過你自己既修為(業障) 黎達到脫輪迴 得永生

但點都好   人生如燈滅  永生都5知幾時有
但又5知點解  係我有呢個問題既時候
被我睇到一篇野  係話  世界上巳經有一d研究
話  可以 以科學得永生
當中所含字數太多    詳情省略........(嘻嘻  我一向都很懶 5好見怪)
靠一d端粒酶去令到d細胞無限制地分裂下去  5會衰退
得到永生(當然啦 家陣仲未係成功啦)
但又有一個問題  到時物會有很多人係呢個地球上....

最後我覺得  我都係5知為左d咩而生存既
但小結一下就係  我不追求長壽   只求快樂

溫書書呀

家陣係圖書館打呢篇甘既野
唉~家陣日日對住D英文就黎連中文都5識打
遲D可能要打英文啦@@

打呢篇野既時候我同恒恒,良哥係油塘體育館溫書
良哥作動呀  他有左呀 想嘔呀~~~